Віктар Пятровіч Пічукоў (18 лютага 1957, Гомель) — беларускі гісторык, археограф, краязнавец, кандыдат гістарычных навук (1996), дацэнт (2008).
Нарадзіўся ў горадзе Гомелі ў працоўнай сям’і. У 1980 годзе Скончыў гісторыка-філалагічны факультэт Гомельскага дзяржаўнага ўніверсітэта. З 1980 года працуе ў гэтай жа ВНУ. З 1982 па 1985 год навучаўся ў аспірантуры Інстытута гісторыі Акадэміі навук БССР (навуковы кіраўнік — д. г. н., прафесар Міхаіл Біч). У 1996 годзе абараніў кандыдацкую дысертацыю па гісторыі Беларусі на тэму «Общественно-политические позиции легальной периодической печати Беларуси в конце XIX — начале XX вв.». З 1997 па 2008 год загадваў кафедрай гісторыі Беларусі Гомельскага дзяржаўнага ўніверсітэта. У 2008 годзе яму нададзена вучонае званне дацэнта. Стваральнік і кіраўнік вучэбна-асветніцкай гісторыка-краязнаўчай суполкі «Ваколіца» пры кафедры гісторыі Беларусі Гомельскага дзяржаўнага ўніверсітэта імя Францыска Скарыны.
Адзін з рэдактараў зборніка: