У Вікіпедыі ёсць артыкулы пра іншых асоб з прозвішчам Навумчык. Віктар Мікалаевіч Навумчык (11 жніўня 1946, г. Брэст) — беларускі вучоны ў галіне педагогікі. Доктар педагагічных навук (1995), прафесар (1999).
Скончыў Брэсцкі тэхнікум чыгуначнага транспарту (1965), фізічны факультэт БДУ (1973). У 1973—99 працаваў у БДУ, з 2000 загадчык кафедры педагогікі сацыякультурнай дзейнасці Беларускага ўніверсітэта культуры.
Даследуе праблемы педагагічнай эрганомікі, вучэбнага дэманстрацыйнага эксперыменту па фізіцы, выкладання фізікі ў сярэдніх навучальных установах і ВНУ, этыкі педагога, феномена творчасці і выхавання творчай асобы і інш.