Вялікі млын (польск.: Wielki Młyn) — адна са славутасцей Гданьска, знаходзіцца ў паўночнай частцы Старога горада.
Млын быў пабудаваны Тэўтонскім ордэнам з цэглы ў XIV стагоддзі. У Сярэднявеччы гэта быў адзін з найбуйнейшых прамысловых будынкаў Еўропы. Млын меў 12, а потым 18 вадзяных колаў, якія прыводзіліся ў рух водамі Радунскага канала. У будынку млына размяшчаліся таксама склад і пякарня.
У цяперашні час у будынку размяшчаецца гандлёвы цэнтр.