«Вялікія перагоны» (іншая назва — «Машыніст») — беларускі тэлевізійны мастацкі фільм. Зняты на кінастудыі «Беларусьфільм» у 1971 годзе. Выйшаў на экраны 23 сакавіка 1972 года.
Герой фільма — Ігар Шылаў — пасля заканчэння школы не паступае ў інстытут і прыходзіць працаваць у паравознае дэпо. Яго прынялі качагарам у брыгаду дасведчанага машыніста Касьяна Кузьміча (Мікалай Кручкоў), які па — бацькоўску уважлівы да юнака і дапамагае яму засвоіць прафесію, а таксама знайсці сваё сапраўднае прызначэнне — стаць машыністам электравоза.