Вышаслаў Уладзіміравіч (да 978—1010-1013/1014, Ноўгарад) — князь наўгародскі (987—1010).
Найстарэйшы сын наўгародскага і пазней кіеўскага князя Уладзіміра Святаславіча і яго першай жонкі, паводле В. Тацішчава, імем Алава. Упершыню згадваецца «Аповесцю мінулых часоў» пад 980 годам[1]. У канцы 980-х гадоў, падчас раздачы Уладзімірам валасцей сынам, атрымаў Наўгародскую воласць[1]. Трымаў Наўгародскую воласць да смерці, паводле Тацішачава, у 1010 годзе. Па смерці Вышаслава, Уладзімір перавёў у Ноўгарад іншага сына — Яраслава[2].