wd wp Пошук: ⬜

Выбухі ў Цяньцзіні

Выбухі ў Цяньцзіні — тэхнагенная катастрофа, якая адбылася 12 жніўня 2015 года ў порце, размешчаным у раёне Біньхай горада цэнтральнага падпарадкавання Цяньцзінь на поўначы Кітая.

Выбухам папярэднічаў пажар на партовым складзе, для тушэння якога каля 22:50 па мясцовым часе былі выкліканы пажарныя. Пажар пачаўся на складах фірмы «Жуйхай», офіс якой быў знішчаны выбухамі, выкліканымі пажарам, што ўскладніла правядзенне расследавання[1].

У 23:30 з інтэрвалам каля 30 секунд адбыліся два выбухі, вогненны слуп ад якіх падняўся на вышыню ў некалькі сотняў метраў. Выбухі адчуваліся ў радыусе 10 км, геалагічныя прыборы зафіксавалі землетрасенне магнітудай 2,9 па шкале Рыхтэра. Адразу пасля выбухаў для ліквідацыі маштабнага пажару было адпраўлена 100 пажарных аўтамабіляў. Пажаратушэнне было спынена раніцай 13 жніўня з-за адсутнасці звестак пра грузы ў порце і магчымасць ўзнікнення новых выбухаў.

Першы выбух быў магутнасцю каля 3 тон трацілу, магутнасць другога выбуху ацэньваецца ў 21 тону трацілу[2].

Наступствы

Станам на 15 жніўня, прынамсі 104 чалавекі загінулі, 721 чалавек пацярпеў[3].

Выбуховай хваляй быў пашкоджаны будынак нацыянальнага суперкамп’ютарнага цэнтра, з-за чаго быў спынены суперкамп’ютар Цяньхэ-1А [4].

На наступны дзень пасля выбухаў у паветры было зафіксавана перавышэнне максімальна дапушчальнай канцэнтрацыі цыяніду і іншых небяспечных высокатаксічных хімікатаў[1].

Зноскі

1 2 Пры ліквідацыі наступстваў выбуху ў кітайскім Цяньцзіні выратаваны 32 чалавека
↑ Колькасць ахвяр выбуху ў Кітаі перавысіла 40, дзясяткі згінулі без весткі
↑ China explosions: police order mass evacuations amid further blasts(англ.) . The Guardian. Праверана 15 жніўня 2015.
↑ У Кітаі спынены суперкамп’ютар Tianhe-1A з-за выбухаў у Цяньцзіні Архівавана 4 сакавіка 2016.

Спасылкі