Вушасты вожык

Вушасты вожык (Hemiechinus auritus) — від насякомаедных жывёл сямейства вожыкавых.

Апісанне

Даўжыня цела 12—27 см[1]. Адрозніваецца вялікімі памерамі вушной ракавіны, даўжыня вуха больш за 3—5 см. Іголкі на спіне і баках, ніжняя частка бакоў і брушка ўкрыта мяккай поўсцю. Даўжыня іголак да 3 см.

Пашырэнне

Пашыраны ў паўднёвых стэпах, паўпустынях і пустынях Еўропы, Заходняй Сібіры, Казахстана, Каўказа, Сярэдняй і Цэнтральнай Азіі.

Асаблівасці біялогіі

Галоўную пажыву складаюць насякомыя, асабліва жукі (чарнацелкі, хрушчы і інш.) і мурашкі. На пошукі ежы (улетку) выходзіць звычайна познім вечарам.

Хутка бегае. Пры пагрозе падскоквае, імкнучыся нанесці ўколы іголкамі, або ўцякае; неахвотна згортваецца ў клубок, звычайна толькі падгінае ўніз галаву.

Устойлівы да ядаў і перагрэву.

Зноскі

1. ↑ Ballenger, L. (1999). “Hemiechinus auritus”, Animal Diversity Web. Accessed November 28, 2011

Літаратура

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.