У Вікіпедыі ёсць артыкулы пра іншых асоб з прозвішчам Фадзеева.
Вольга Яфімаўна Фадзеева (15 кастрычніка 1978, Мінск) — беларуская і расійская актрыса
.
Бацькі Вольгі Фадзеевай — артысты балета. Вольга таксама хацела стаць балерынай, але не была прынятая ў харэаграфічнае вучылішча і паступіла ў тэатральны ліцэй. У сяр. 1990-х паступіла ў Беларускую акадэмію мастацтваў. У час вучобы рэжысёр Барыс Луцэнка запрасіў Вольгу на галоўную жаночую ролю ў спектаклі тэатра імя М. Горкага «Гамлет», дзе адбыўся дэбют Вольгі Фадзеевай на тэатральнай сцэне. У 1999 галоўны рэжысёр Нацыянальнага акадэмічнага тэатра ім. Я. Купалы Валерый Раеўскі запрасіў Вольгу ў тэатр у ліку некалькіх выпускнікоў Акадэміі мастацтваў. З 1999 працавала ў Нацыянальным акадэмічным тэатры ім. Я. Купалы.
Таксама працуе ў кіно. Першай работай была эпізадычная роля ў фільме «Зорка Венера» (2000). Вядомасць прынёс серыял «Салдаты», дзе Вольга Фадзеева сыграла галоўную жаночую ролю.