Весяло́ўскі нацыянальны польскі сельсавет — былая адміністрацыйна-тэрытарыяльная адзінка ў складзе Лепельскага раёна Лепельскай акругі. Цэнтр — вёска Весялова.
Утвораны ў 1927 годзе ў складзе Лепельскага раёна Барысаўскай акругі БССР. З 9 чэрвеня 1927 года ў складзе Полацкай акругі. Пасля скасавання акруговай сістэмы 26 ліпеня 1930 года ў Лепельскім раёне БССР, з 21 чэрвеня 1935 года — Лепельскай акругі. 3 верасня 1937 года скасаваны, тэрыторыя далучана да Валосавіцкага (Валасевіцкага) сельсавета.