Вера Васілеўна Баканская (30 сакавіка 1926, с. Нараватава, Кадамскі раён, Разанская вобласць, РСФСР — 2012) — беларускі ўрач-патафізіёлаг. Доктар медыцынскіх навук (1981), прафесар (1984).
Скончыла Сталінабадскі дзяржаўны медыцынскі інстытут (1950).
Выкладала ў Сталінабадскім дзяржаўным медыцынскім інстытуце (1950—1960, кафедра паталагічнай фізіялогіі, лабарант, асістэнт), Гродзенскім дзяржаўным медыцынскім інстытуце (1960—1994, кафедра паталагічнай фізіялогіі, прафесар).
Навуковыя інтарэсы: даследаванне сістэмы гемастазу; уплыў некаторых водарастваральных вітамінаў і простагландзінаў на папярэджанне тромбаўтварэння.