Венскі камерны аркестр (ням.: Wiener Kammerorchester) — аўстрыйскі камерны аркестр, які базіруецца ў Вене. Заснаваны ў 1946 г. Асноўная пляцоўка аркестра — Венскі Канцэртхаўс.
У перыяд кіраўніцтва Філіпа Антрэмона ў аркестры склалася традыцыя выканання канцэртаў XVIII стагоддзя з салістам у ролі дырыжора. Пасля адстаўкі Антрэмона ў 1991 г. ён працягвае такім чынам выступаць з аркестрам, атрымаўшы званне ганаровага дырыжора аркестра; акрамя таго, такім жа чынам з Венскім камерным аркестрам выступалі Іегудзі Менухін, Хайнц Холігер і іншыя.