Васілеастроўскі раён — адміністрацыйна-тэрытарыяльная адзінка, адзін з чатырох цэнтральных раёнаў Санкт-Пецярбурга. Тэрыторыя раёна ўключае ў сябе два буйныя астравы, падзеленыя невялікі ракой Смаленкай: Васільеўскі востраў і востраў Дзекабрыстаў, а таксама невялікі Серны востраў.
Агульная плошча раёна складае 2,15 тыс. га, гэта адзін з самых маленькіх па плошчы раёнаў Санкт-Пецярбурга.
Плошча зялёных насаджэнняў 118 га, з якіх: 51 га могілак (самыя буйныя — Смаленскія); астатняя частка зялёных насаджэнняў прыпадае на Румянцаўскі, Апочынскі і Шкіперскі сады, сад Дзекабрыстаў, два невялікія паркі, а таксама скверы. Агульная працягласць вуліц раёна — 90 км. Плошча дарожнага пакрыцця 198 га.
Да снежня 2016 года ў перыяд летняй навігацыі падчас разводкі мастоў на Няве на некалькі гадзін сухапутная сувязь з іншымі раёнамі Санкт-Пецярбурга цалкам перарывалася. У снежні 2016 года адкрыты цэнтральны ўчастак Заходняга хуткаснага дыяметра, што забяспечыла магчымасць кругласутачных транспартных зносін з астатняй тэрыторыяй горада.