Валянціна Сяргееўна Вяргей (28 верасня 1946, Петрыкаў, Гомельская вобласць) — беларускі археолаг. Кандыдат гістарычных навук (1984).
Скончыла Беларускі дзяржаўны ўніверсітэт (1968). На працягу двух гадоў працавала ў ім, потым у Гродзенскім педагагічным інстытуце, а з 1978 года ў Інстытуце гісторыі НАН Беларусі. Асноўны кірунак навуковай дзейнасці — гістарыяграфія археалогіі Беларусі і гісторыя насельніцтва Беларускага Палесся ў жалезным веку.
Выявіла і абследавала каля 100 археалагічных помнікаў на Беларускім Палессі, брала ўдзел у напісанні кнігі «Беларуская археалогія» (1987), з’яўляецца аўтарам кнігі «Археалагічная навука ў БССР, 1919—1941 гг.» (1992). Даследавала некаторыя пытанні гісторыі Мінска.