wd wp Пошук: ⬜

Валерый Яўгенавіч Садоха

Вале́рый Яўге́навіч Садо́ха (16 жніўня 1950, Віцебская вобласць) — беларускі дзяржаўны дзеяч, дыпламат.

Біяграфія

Скончыў Беларускі тэхналагічны інстытут, аспірантуру НДІЖБ Дзяржбуда СССР, Усерасійскую акадэмію знешняга гандлю.

1975-1978 аспірант лабараторый эканомікі прасторавых і канструкцый НДІЖБа Дзяржбуда СССР
1979-1984 старшы навуковы супрацоўнік ІСіА Дзяржбуда БССР
1984-1991 загадчык лабараторыі НПТА «Белбуднавука»
1991-1992 галоўны спецыяліст Дзяржзнешэканамсувязі Рэспублікі Беларусь
1993-1994 намеснік начальніка ўпраўлення нетарыфнага рэгулявання Дзяржзнешэканамсувязі Рэспублікі Беларусь
1994-1997 першы сакратар Пасольства Рэспублікі Беларусь у Рэспубліцы Польшча
1997-1998 намеснік Міністра знешніх эканамічных сувязяў Рэспублікі Беларусь
1998-2000 намеснік Міністра замежных спраў Рэспублікі Беларусь
2000-2002 Надзвычайны і Паўнамоцны Пасол Рэспублікі Беларусь у Злучаным Каралеўстве Вялікабрытаніі і Паўночнай Ірландыі
2002-2004 Пасол па асобых даручэннях Міністэрства замежных спраў Рэспублікі Беларусь
2004-2009 саветнік-пасланнік, кіраўнік гандлёва-эканамічнага прадстаўніцтва Пасольства Рэспублікі Беларусь у Расійскай Федэрацыі
2009-02.2011 Дырэктар Дэпартамента знешнеэканамічнай дзейнасці Міністэрства замежных спраў Рэспублікі Беларусь
З 02.2011 Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В’етнам.

Асабовыя звесткі

Жанаты, мае двух дачок. Валодае англійскай, польскай і нямецкай мовамі.