У Вікіпедыі ёсць артыкулы пра іншых асоб з прозвішчам Шаблюк. Валерый Уладзіміравіч Шаблюк (3 жніўня 1953, Узда, Мінская вобласць — 2 мая 1997) — беларускі гісторык.
Скончыў гістарычны факультэт БДУ (1975), працаваў настаўнікам гісторыі ў Мінску. З 1980 г. — навуковы супрацоўнік Інстытута гісторыі АН Беларусі. Кірункі навуковай дзейнасці: археалогія сярэднявечных сельскіх паселішчаў і мястэчак (тымчасова новы кірунак у беларускай археалогіі). У 1991 г. абараніў кандыдацкую дысертацыю па тэме: «Сельскія паселішчы Верхняга Панямоння XIV—XVIII ст.ст.», у 1996 г. апублікаваную як манаграфія. У 1995 г. выйшла кніга В. Шаблюка «Двор у Туганавічах». Старшыня першаснай прафсаюзнай арганізацыі педагогаў Інстытута гісторыі АН Беларусі Беларускага свабоднага прафсаюза. З 1994 г. — генеральны сакратар Беларускай Хрысціянска-Дэмакратычнай Партыі. У 1995 г. — кандыдат у дэпутаты Вярхоўнага Савета Рэспублікі Беларусь па Усходняй выбарчай акрузе № 246 г. Мінска. Загінуў у дарожна-транспартным здарэнні.
Аўтар публікацый па гісторыі і археалогіі Беларусі, каля 100 артыкулаў у Энцыклапедыі гісторыі Беларусі.