Валерый Мікалаевіч Яглоў (нар. 26 студзеня 1938, Віцебск) — беларускі хімік-неарганік. Доктар хімічных навук (1981), кандыдат тэхнічных навук (1966), прафесар (1982).
Скончыў Беларускі політэхнічны інстытут (1960).
Працаваў на шклозаводзе «Кастрычнік» (пас. Ялізава, Асіповіцкі раён; 1960—1962), Беларускім тэхналагічным інстытуце (1965—1985, дацэнт кафедры агульнай і неарганічнай хіміі, у 1978—1985 — загадчык кафедры тэхналогіі вяжучых матэрыялаў), Беларускім нацыянальным тэхнічным універсітэце (з 1985, загадчык кафедры «Хімія»).
Навуковыя інтарэсы: хімія вяжучых і будаўнічых матэрыялаў; фізіка-хімічныя метады здабывання і перапрацоўкі высакародных металаў.
Ордэн «Знак Пашаны» (1981), знак «Выдатнік адукацыі Рэспублікі Беларусь» (1995).