Валерый Георгіевіч Прышчапёнак (15 лістапада 1921, г. Омск, Расія — 7 лістапада 2000) — беларускі спявак (барытон). Заслужаны артыст Беларусі (1971).
Нарадзіўся ў 1921 годзе ў Омску. Скончыў у 1955 годзе Беларускую кансерваторыю. З 1955 года саліст ансамбля песні і танца БВА, у 1956—1958 і ў 1968—1981 гадах саліст хору Беларускага тэлебачання і радыё, у 1958—1968 — Дзяржтэлерадыё Беларусі.
Рэпертуар складаўся з песень і рамансаў беларускіх кампазітараў, беларускіх народных песень. Выканаў партыі Паўла, Андрэя, Шата ў радыёмантажах опер «Павел Карчагін» П. Падкавырава, «Андрэй Касценя» М. Аладава, аперэты «Алазанская даліна» Ю. Бяльзацкага.