wd wp Пошук: ⬜

Вадзім Эдвардавіч Матуліс

У Вікіпедыі ёсць артыкулы пра іншых асоб з прозвішчам Матуліс. Вадзім Эдвардавіч Матуліс — дырэктар Ліцэя БДУ (2010—2014), кандыдат хімічных навук (2005), дацэнт (2010).

Прафесійная дзейнасць

1995—2000 — вучоба ў БДУ.
01.08.2000 — 19.10.2000 — малодшы навуковы супрацоўнік Установы БДУ «НДІ фізіка-хімічных праблем».
2000 — з адзнакай скончыў хімічны факультэт БДУ і паступіў у вочную аспірантуру па кафедры неарганічнай хіміі, якую скончыў у 2003 годзе.
2000—2003 — аспірант БДУ.
2003-2006 — малодшы навуковы супрацоўнік Установы БДУ «НДІ фізіка-хімічных праблем».
2005 — прысуджана вучоная ступень кандыдата хімічных навук па спецыяльнасці фізічная хімія (тэма дысертацыі — «Квантавахімічнае даследаванне вытворных тэтразола»).
2006-2008 — навуковы супрацоўнік Установы БДУ «НДІ фізіка-хімічных праблем».
2008-2009 — старшы навуковы супрацоўнік Установы БДУ «НДІ фізіка-хімічных праблем».
2009-2010 — дацэнт кафедры неарганічнай хіміі хімічнага факультэта БДУ.
2010 — прысвоена вучонае званне дацэнта.

З 2010 па 2014 гады быў дырэктарам Ліцэя БДУ.

Вучэбная праца

Падрыхтаваў і чытае курс лекцый «Квантавая хімія і будова малекул» (агульны курс для студэнтаў хімічнага факультэта БДУ). Аўтар спецкурса «Прыкладная квантавая хімія» (спецкурс для студэнтаў спецыялізацыі «неарганічная хімія»). Выкладае хімію ў класах хіміка-біялагічнага напрамку Ліцэя БДУ.

Галіна навуковых інтарэсаў і навуковая праца

Даследаванне структуры і уласцівасцяў азотазмяшчальных гетэрацыклаў і іх комплексных злучэнняў метадамі квантавай хіміі. Выкананы квантавахімічныя разлікі электрастатычных патэнцыялаў малекул азолаў, падабенства да пратона розных атамаў азоту цыклу, адноснай устойлівасці ізамераў і электроннай і геаметрычнай структуры малекул вінілтэтразолаў. Атрыманыя вынікі забяспечваюць магчымасць мэтанакіравана аптымізаваць працэсы функцыяналізацыі азолаў і селектыўнага атрымання N-замешчаных трыязолаў і тэтразолаў, а таксама дазваляюць прагназаваць рэакцыйную здольнасць вінілтэтразолаў ў працэсах палімерызацыі, што ў сукупнасці ўносіць значны ўклад у развіццё фізічнай і структурнай хіміі азолаў.

Некаторыя вынікі навуковых даследаванняў уключаны ў вучэбны дапаможнік «Прыкладная квантавая хімія: вучэбны дапаможнік».

Іншыя віды дзейнасці

З 2003 г працуе ў Ліцэі БДУ. Займаецца падрыхтоўкай навучэнцаў ліцэя БДУ да Рэспубліканскай і Міжнароднай алімпіядаў па хіміі. Сярод яго вучняў пераможцы заключнага этапу Рэспубліканскай, Мендзялееўскай і Міжнароднай алімпіяд па хіміі. З’яўляецца аўтарам шэрагу вучэбна-метадычных дапаможнікаў па хіміі, апрабацыя якіх паспяхова ажыццяўляецца ў цяперашні час у навучальным працэсе. Браў удзел у распрацоўцы адукацыйнага стандарту па хіміі. У суаўтарстве з Калевіч Таццянай Аляксандраўнай і Матулісам Віталём Эдвардавічам распрацаваў курс па выбару «Колькасныя суадносіны ў хіміі» (праграма курса зацверджана Міністэрствам адукацыі). Удзельнічае ў распрацоўцы комплексу дыстанцыйнага навучання, які ствараецца ў ліцэі БДУ. Ім распрацаваны і падтрымліваюцца два дзеючых у рамках гэтага комплексу курса: «Хімія 9» і «Завочная алімпіяда па хіміі», «студэнтамі» якіх з’яўляюцца навучэнцы ліцэя БДУ і іншых навучальных устаноў Рэспублікі Беларусь.

Узнагароды

2000 — першая прэмія Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.
2006 — трэцяя прэмія Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў «за асабісты ўклад у развіццё здольнасцяў таленавітай моладзі»;
2006 — грамата Белдзяржуніверсітэта.
2007 — грамата Міністэрства адукацыі Рэспублікі Беларусь «за асабiсты ўклад у навучанне i выхаванне падрастаючага пакалення, вялiкiя дасягненнi Ў падрыхтоўцы навучэнцаў ды мiжнародных алiмпiядаў».
2008 — першая прэмія Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў «за асабісты ўклад у развіццё здольнасцяў таленавітай моладзі».
2008 — стыпендыя Прэзідэнта Рэспублікі Беларусь таленавітым маладым вучоным.

Спасылкі