Брытанскія Віргінскія астравы (БВА) — група з 36 астравоў і астраўкоў (агульнай плошчай 153 км²), размешчаных на паўночны ўсход ад Віргінскіх астравоў ЗША. Населеныя толькі 16 астравоў і астраўкоў.
Найбуйнейшымі астравамі з’яўляюцца Тартола (55 км²), Анегада (38 км²), Верджын-Горда (21 км²) і Ёст-ван-Дэйк (8 км²).
Сталіца, горад Роўд-Таўн, знаходзіцца на востраве Тартола. Насельніцтва ўсіх астравоў складае каля 25 тыс. чалавек, пры гэтым прыкладна 90% з іх пражывае на Тартоле.
Брытанскія Віргінскія астравы - брытанская заморская тэрыторыя. Афіцыйная мова - англійская.
Асноўная валюта — долар ЗША (з 1959).