Брытанская бібліятэка (British Library) — нацыянальная бібліятэка Вялікабрытаніі. Закон аб яе стварэнні шляхам аб’яднання бібліятэкі Брытанскага музея і шэрагу менш значных збораў быў прыняты парламентам ў 1972 г.; новы будынак бібліятэкі ў Лондане расхінуў свае дзверы 1 ліпеня 1973. Найбуйнейшая бібліятэка свету (лік адзінак захоўвання перавышае 150 млн.)
Бібліятэка Брытанскага музея паўстала у 1753 г. на аснове кніжнага збору сэра Ханса Слоўна, у якое ўваходзілі англасаксонскія і лацінскія сярэднявечныя манускрыпты, набытыя ім у Роберта Котана і Роберта Гарлея. Кароль Георг II падтрымаў распачынанне і паднёс у дар музею каралеўскую бібліятэку (якую пачаў збіраць Эдуард IV), а разам з ёй і права абавязковага экзэмпляра ўсіх кніг, якія выходзяць у межах Вялікабрытаніі.