Адкрытае акцыянернае таварыства «Беларускі банк развіцця і рэканструкцыі „Белінвестбанк“» (ААТ «Белінвестбанк») — камерцыйны банк у Рэспубліцы Беларусь. Заснаваны ў 2001 годзе праз зліццё ААТ «Белбізнесбанк» і ААТ «Беларускі банк развіцця». У 2005 годзе банк атрымаў статус інвестыцыйнага банка. Белінвестбанк — упаўнаважаны банк па абслугоўванні дзяржаўных праграм. Унесены ў Чорны спіс Еўрасаюза.
Статутны фонд — 382 млрд бел. руб. Доля дзяржавы ў статутным фондзе — 95 %. Балансавы прыбытак (на 01.12.2009) 55 млрд бел. руб.
24 чэрвеня 2021 года банк унесены ў Чорны спіс Еўрасаюза. Санкцыі Еўрапейскага Саюза прадугледжваюць абмежаванні на пазыкі на рынках ЕС і даступнасці крэдытаў з тэрмінам пагашэння большым за 90 дзён ад еўрапейскіх контрагентаў. 20 жніўня 2021 года «Fitch Ratings(укр.) бел.» выставіла банку рэйтынг «B» з негатыўным прагнозам. Адначасова з гэтым агенцтва адклікала рэйтынг з прычыны ўнясення банка ў санкцыйны спіс і паведаміла, што больш не будзе ацэньваць або рабіць іншы аналіз дзейнасці «Белінвестбанка»[2].
24 лютага 2022 года Белінвестбанк унесены ў спіс спецыяльна прызначаных грамадзян і заблакіраваных асоб ЗША[3].