wd wp Пошук: ⬜

Беларуская рэспубліканская піянерская арганізацыя

Беларуская рэспубліканская піянерская арганізацыя — найбуйнейшае[1] дзіцячае грамадскае аб’яднанне Беларусі, заснаванае ў 1990 годзе. З 2004 года брала ўдзел ў Рэспубліканскім каардынацыйным савеце кіраўнікоў палітычных партый і грамадскіх аб’яднанняў [2]. У 1994 годзе налічвала 94 тыс. членаў, у 1997-м — 133 тыс., у 2003 годзе — 300 тыс., у 2005 годзе — 435 тыс. членаў. У 2009 годзе стала налічваць 580 тыс. дзяцей ва ўзросце ад 7 гадоў[3]. У 2010-м налічвала 596 тыс. дзяцей, у тым ліку 228 тыс. дзяцей ад 7 да 10 гадоў[4] і 313 тыс. — ад 10 да 14-і[5]. З 2006 года пасаду старшыні займае Наталля Абравец[6].

З’яўляецца пераемніцай Усесаюзнай піянерскай арганізацыі, Беларускай рэспубліканскай піянерскай арганізацыі імя У. І. Леніна[7].

Кіраванне

Злёт. Склікаецца аднойчы на 3 гады. Правамоцны пры ўдзеле больш як паловы прадстаўнікоў. Абірае Раду і Кантрольна-рэвізійную камісію.
Рада. Збіраецца штоквартал. Правамоцная пры ўдзеле паловы членаў. Кіруе ўласнасцю і бароніць зацікаўленасці членаў перад іншымі ўстановамі. Ухваляе каштарыс і выконвае пастановы Злёту. Наймае супрацоўнікаў і займаецца выдавецкай дзейнасцю.
Кантрольна-рэвізійная камісія. Збіраецца штоквартал. Правярае грашовую справаздачнасць.

Дзейнасць

Паводле Статуту арганізацыя ажыццяўляе наступныя віды дзейнасці:

правядзенне семінараў, нарадаў, спабораў, выставаў, канцэртаў і кірмашоў;
выдавецкая дзейнасць і прадпрымальніцтва;
аздараўленне дзяцей і падлеткаў і размеркаванне дабрачыннай дапамогі[8].

Зноскі

↑ Сёння віншаванні прымае Беларуская рэспубліканская піянерская арганізацыя(нявызн.). Грамадства. Белтэлерадыёкампанія (13 верасня 2010). Праверана 20 сакавіка 2012.(недаступная спасылка)
↑ Зварот членаў Рэспубліканскай каардынацыйнай рады кіраўнікоў палітычных партый і грамадскіх аб’яднанняў да грамадзян Беларусі(нявызн.). Улада і грамадства. Звязда, № 215-216 (10 верасня 2004). Праверана 20 сакавіка 2012.
↑ Святлана Сухарко Станавіцца лідарамі праз калектыўныя справы(нявызн.). Чырвоная змена. Звязда, № 46 (15600) (3 снежня 2009). Праверана 20 сакавіка 2012.
↑ Святлана Сухарко Піянер заўсёды гатовы рабіць добрыя справы(нявызн.). Чырвоная змена. Звязда, № 34 (15637) (15 верасня 2010). Праверана 20 сакавіка 2012.
↑ Сёння Беларуская рэспубліканская піянерская арганізацыя святкуе сваё 20-годдзе(нявызн.). Грамадства. Белтэлерадыёкампанія (13 верасня 2010). Праверана 20 сакавіка 2012.(недаступная спасылка)
↑ Наталля Талівінская Нам дзякуюць бацькі і ветэраны(нявызн.). Моладзь. Звязда, № 262 (25851) (8 снежня 2006). Праверана 20 сакавіка 2012.
↑ Сайт БРПА
↑ Статут грамадскага аб’яднання «Беларуская рэспубліканская піянерская арганізацыя»(руск.) . Школа №42 г. Магілёва. Праверана 20 сакавіка 2012.(недаступная спасылка)