Баскунча́к — бяссцёкавае салёнае возера ў Ахтубінскім раёне Астраханскай вобласці Расіі, у паўночнай частцы Прыкаспійскай нізіны, на тэрыторыі Богдзінска-Баскунчакскага запаведніка.
Плошча паверхні возера каля 106 км². Даўжыня 18 км, найбольшая шырыня 13 км. Возера размешчана ў катлавіне, на 21,6 м ніжэй узроўня мора. Жыўленне возера адбываецца пераважна з падземных крыніц. Упадае амаль перасыхаючая рака Горкая Рэчка.
На возеры вядзецца здабыча солі. Таксама возера з’яўляецца аб’ектам турызму.