Барталамэ дэ лас Касас (ісп.: Bartolomé de las Casas, 11 лістапада 1484, Севілья — 17 ліпеня 1566, Мадрыд) — іспанскі святар-дамініканец, першы пастаянны біскуп Ч’япаса і гісторык Новага Света. Праславіўся пратэстамі супраць зверстваў у адносінах да карэннага насельніцтва Амерыкі з боку іспанскіх каланістаў. Лічыцца адным з першых змагароў за правы чалавека ў гісторыі. У 2000 годзе каталіцкая царква пачала працэс яго беатыфікацыі.