Бабруйскі настаўніцкі інстытут — дзяржаўная навучальная ўстанова двухгадовай падрыхтоўкі школьных настаўнікаў у Бабруйску. Поўная назва «Бабруйскі дзяржаўны настаўніцкі інстытут Міністэрства асветы БССР[1]». Дзейнічаў з 01.09.1949 па 02.07.1954 г[2].
Заснаваны ў 1949 годзе на базе педагагічнага вучылішча, размяшчаўся ў будынку былой Славянскай гімназіі па вул. Сацыялістычнай, 119. Пры Інстытуце дзейнічалі тры аддзяленні[3]: беларускай і рускай мовы і літаратуры; фізіка-матэматычнае; завочнае (з 1950 г.) У 1954 годзе Інстытут быў ліквідаваны. У 1955 года на яго базе было адноўлена педвучылішча, ліквідаванае ў 1958 годзе. Цяпер у будынку былога інстытута знаходзіцца гімназія № 3 г. Бабруйска[4].