У гэтага паняцця ёсць і іншыя значэнні, гл. Бабельсберг (значэнні).
Ба́бельсберг (ням.: Potsdam-Babelsberg) — раён Патсдама, у якім размешчаны аднайменны парк, каледж кіно і тэлебачання, заснаваны ў 1954 г., універсітэцкія карпусы. У часы ГДР у гэтым раёне знаходзілася кінастудыя ДЭФА.
Упершыню згадваецца як асобнае паселішча ў 1375 годзе пры імператары Карле IV.
Падчас Патсдамскай канферэнцыі 17 ліпеня — 2 жніўня 1945 года на вілах жылога пасёлка Нойбабельсберг на беразе возера Грыбніцзэе (Griebnitzsee) пражывалі кіраўнікі дэлегацый СССР, ЗША і Вялікабрытаніі Сталін, Трумэн і Чэрчыль. Вілы носяць з тых часоў іх імёны.
Праз Бабельсберг праходзіла ўмоўная граніца паміж Заходнім Берлінам (раён Штэгліц-Цэлендорф) і ГДР, з пераходам на мосце Глініке, на якім адбыўся абмен савецкага разведчыка Рудольфа Абеля на збітага амерыканскага пілота Паўэрса.
У парку Бабельсберг з-за яго прыгранічнага размяшчэння знаходзіліся казармы афіцэраў Народнай арміі ГДР і Міністэрства дзяржаўнай бяспекі ГДР, якія выкарыстоўваліся пасля падзення Берлінскай сцяны як інтэрнаты для студэнтаў Патсдамскага ўніверсітэта.
Паводле сцэнарыя фільма «Сямнаццаць імгненняў вясны» менавіта ў Бабельсбергу жыў Шцірліц.