Ацмі́наўскі сельсавет — былая адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Цэнтр — аграгарадок (да 2011 г. вёска) Ацмінава. Плошча 12 292 га.
Утвораны 12 кастрычніка 1940 года ў складзе Любчанскага раёна Баранавіцкай вобласці БССР. З 8 студзеня 1954 года ў складзе Гродзенскай вобласці. З 17 снежня 1956 года сельсавет у складзе Навагрудскага раёна. 22 жніўня 2017 года сельсавет скасаваны, тэрыторыя далучана да Уселюбскага сельсавета[1].
Насельніцтва сельсавета паводле перапісу 2009 года — 1826 чалавек[2], з іх 80,0 % — беларусы, 9,9 % — рускія, 8,0 % — палякі[3].
Насельніцтва, жыхароў: 597 (2008 г.), 620 (2009 г.)[2], 455 (2017 г.)[4].
У склад сельсавета ўваходзілі 9 населеных пунктаў (2009 г.):
| Населены пункт | Статус | Насельніцтва, 2009[2] |
|---|---|---|
| Альхоўка | вёска | 51 |
| Ацмінава | аграгарадок | 328 |
| Бердаўка | вёска | 38 |
| Генюшы | вёска | 25 |
| Гніліца | вёска | 1 |
| Дзетамля | вёска | 35 |
| Лаўскія | вёска | 4 |
| Лешчанка | вёска | 134 |
| Малачкі | вёска | 4 |