А́тбара (араб. نهر عطبرة) — рака ў Афрыцы, у Эфіопіі і Судане, правы прыток ракі Ніл.
Даўжыня ракі 1120 (805[1]) км. Сярэдні расход вады ў ніжнім цячэнні 32[2] м³/с, найбольшы — 1815[2] м³/с. Рака бярэ пачатак на Эфіопскім нагор’і, у напрамку на паўночны захад ад возера Тана. Працякае пераважна па Суданскаму плато. Упадае ў Ніл каля горада Атбара. Паўнаводная ў перыяд дажджоў (чэрвень — жнівень), у межань перасыхае і не мае паверхневага сцёку. Вада ракі вызначаецца вялікай мутнасцю, асабліва ў час пясчаных бур.
На рацэ плаціна вадасховішча і ГЭС.