Астурыя
Астурыя, або Астурыйскае княства (ісп. Asturias, Principado de Asturias, астур. Principáu d’Asturies) — аўтаномная супольнасць і правінцыя на поўначы Іспаніі. Размешчана на ўзбярэжжы Біскайскага заліва. Мяжуе на захадзе з Галісіяй, на ўсходзе з Кантабрыяй, на поўдні з Леонам. Мянуецца княствам па прычыне магчымасці атрымання ў спадчыну прастола Іспаніі прынцам Астурыйскім. Адміністрацыйны цэнтр — Аўеда. Найбуйнейшы горад — Хіхон. У правінцыі выкарыстоўваецца ўласная мова — астурыйская, але афіцыйнага статусу яна не мае.
Насельніцтва
Насельніцтва — 1 085 289 (13-е месца; даныя 2009 г.).
Колькасць гарадскога насельніцтва Астурыі практычна спыніла свой рост з 1991 года. З тых часоў былі ўзлёты і падзенні, але ў цэлым насельніцтва заставалася стабільным. Гэты факт можна растлумачыць наступнымі дэмаграфічнымі фактарамі:
- Астурыя мае самы высокі ўзровень смяротнасці ў Іспаніі (11,77 смерцяў на 1000 чалавек) і нізкі ўзровень нараджальнасці (6,91 нараджэнняў на 1000 чалавек)
- Гарадское насельніцтва мігрыруе ў іншыя рэгіёны, галоўным чынам у Мадрыд, Кастылію і Леон.
| Графік колькасці насельніцтва княства Астурыйскага |
|---|
 |
Instituto Nacional de Estadística de España |
Буйнейшыя гарады
| Месца | Назва | Насельніцтва | Месца | Назва | Насельніцтва |
| 1 | Хіхон | 264 093 | 11 | Pola de Laviana | 8 887 |
| 2 | Аўеда | 189 768 | 12 | Pola de Lena | 8 680 |
| 3 | Авілес | 79 320 | 13 | Las Vegas | 7 527 |
| 4 | Лангрэа | 40 039 | 14 | Града | 7 461 |
| 5 | Mieres | 24 890 | 15 | Candás | 6 836 |
| 6 | Сан-Марцін-дэль-Рэй-Аўрэліё | 14 308 | 16 | Кангас-дэль-Нарсея | 6 582 |
| 7 | La Corredoria | 14 163 | 17 | Вільявісьоса | 6 043 |
| 8 | Lugones | 12 495 | 18 | Luanco | 5 351 |
| 9 | Pola de Siero | 12 185 | 19 | Нарэнія | 5 332 |
| 10 | Piedras Blancas | 9 544 | 20 | Правія | 5 243 |
| Крыніца: Нацыянальны інстытут статыстыкі Іспаніі 2009 | |||||
З 20 найбуйнейшых гарадоў 17 з’яўляюцца сталіцамі сваіх муніцыпалітэтаў. У Lugones і Las Vegas насельніцтва больш, чым у сталіцах іх муніцыпалітэтаў, а La Corredoria — другі па колькасці пасля Аўеда горад муніцыпалітэта.
Адміністрацыйны падзел
.svg)
Княства Астурыя падзелена на 78 камун, юрыдычны статус якіх эквівалентны статусу муніцыпалітэтаў. Таксама існуе падзел на камаркі, які яшчэ не зацверджаны заканадаўча.
З юрыдычнага пункта гледжання Астурыя падзелена на 18 судовых акруг, з судамі першай інстанцыі ў сталіцы кожнай з іх.
Для выбараў Астурыя падзелена на тры выбарчыя падраздзяленні: заходняе, цэнтральнае і ўсходняе. Больш за ўсё людзей адносіцца да цэнтральнага падраздзялення.
Вядомыя асобы
- Анхель Фернандэс Артымэ (нар. 1960) — ксёндз, генеральны настаяцель салезіянаў.
Зноскі
- ↑ Codes for the representation of names of countries and their subdivisions—Part 2: Country subdivision code — 1998. Праверана 10 ліпеня 2018.
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Правінцыі Іспаніі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96%2C %D1%8F%D0%BA%D1%96%D1%8F %D0%B2%D1%8B%D0%BA%D0%B0%D1%80%D1%8B%D1%81%D1%82%D0%BE%D1%9E%D0%B2%D0%B0%D1%8E%D1%86%D1%8C %D1%87%D0%B0%D1%81%D0%B0%D0%B2%D1%8B%D1%8F %D0%B4%D1%8B%D1%8F%D0%B3%D1%80%D0%B0%D0%BC%D1%8B
Катэгорыя·Астурыя
Катэгорыя·Старонкі з нелікавымі аргументамі formatnum
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Вікіпедыя·Артыкулы з крыніцамі з Вікідадзеных