Арташа́т — былы старажытны горад у Арменіі, у 2 ст. да н.э. — сярэдзіне 5 ст. н.э. сталіца старажытнай Вялікай Арменіі.
Горад заснаваны каля 176 да н.э. Арташэсам I, які сталіцу дзяржавы з Армавіра перанёс у пабудаваны ім Арташат.
У 58 і 163 н.э. горад быў разбураны рымлянамі, у 364—368 гг. — іранцамі.
Прыйшоў у заняпад у сувязі з пераносам сталіцы Арменіі ў Двін.
Старажытны горад знаходзіўся паблізу сучаснага армянскага горада Арташат.