У Вікіпедыі ёсць артыкулы пра іншых асоб з прозвішчам Турцэвіч.
Арсен Восіпавіч Турцэ́віч (1848, Мінская губерня — пасля 1915) — археограф і гісторык.
Нарадзіўся ў сям’і праваслаўнага святара Мінскай губерні. У 1872 годзе скончыў Пецярбургскі ўніверсітэт. Працаваў выкладчыкам у навучальных установах Літвы ў Шаўляі і Вільні. З 1901 г. у Віленскай археаграфічнай камісіі.
Аўтар падручніка «Руская гісторыя (у сувязі з гісторыяй Вялікага княства Літоўскага)» (13-е выданне, 1911), навучальнага дапаможніка «Хрэстаматыя па гісторыі Заходняй Расіі» (1892), манаграфіі «Русские крестьяне под владычеством Литвы и Польши» (1911), прадмоў да 35-га і 38-га тамоў «Актаў Віленскай археаграфічнай камісіі» і інш.