У Вікіпедыі ёсць артыкулы пра іншых людзей з імем Армізд. Армізд III (перс.: هرمز) — шаснаццаты цар з дынастыі Сасанідаў (457 — 459), старэйшы сын Ездыгерда II.
Яго бацькам быў персідскі цар Ездыгерд II. На момант яго смерці Армізд знаходзіўся побач з Ктэсіфонам, у той час як яго малодшы брат Пероз знаходзіўся ва ўсходняй частцы дзяржавы — у Сістане. Калі Ездыгерд сканаў у Парсе, Армізд стаў царом. У адказ на гэта Пероз падняў паўстанне, звярнуўшыся па дапамогу да эфталітаў і ўгаварыў іх цара, што Армізд несправядліва ўзурпаваў яго законнае месца. Атрымаўшы ваенную дапамогу ад эфталітаў, Пероз вярнуўся, разбіў Армізда і пакараў яго смерцю ў 459 годзе.