Аркадзь Станіслававіч Аркадзьеў (сапр. Цівунчык; 13 лістапада 1897, в. Журбілавічы, Навагрудскі павет, цяпер Навагрудскі раён — 27 лютага 1969) — беларускі савецкі акцёр і рэжысёр. Заслужаны артыст БССР (1961)[1].
У 1921 скончыў тэатральную студыю ў Омску. Працаваў у тэатрах Омска, Магілёва, Куйбышава і інш З 1944 дырэктар Белдзяржфілармоніі, мастацкі кіраўнік Белдзяржэстрады, у 1951-55 мастацкі кіраўнік Дзяржаўнага тэатра лялек БССР. У 1956-62 заснавальнік і галоўны рэжысёр Бабруйскага вандроўнага беларускага драматычнага тэатра. У 1962-66 гадах рэжысёр Бабруйскага музычна-драматычнага тэатра і Магілёўскага абласнога тэатра музычнай камедыі. З 1967 рэжысёр-педагог пастаянна дзеючых Рэспубліканскіх курсаў пры Міністэрстве культуры БССР[1].
Найбольш значныя пастаноўкі: «Раскіданае гняздо» Я. Купалы (1957), «Князь Мсціслаў Заліхвацкі» І. Прута(руск.) бел. і «Вясёлка» М. Зарудного(руск.) бел. (1958), «Шельменко-денщик» Г. Квітка-Аснаўяненкі (1959), «Вяселле ў Малінаўцы(руск.) бел.» Б. Аляксандрава(руск.) бел. (1962). Паставіў п’есы беларускіх драматургаў: «Чалавек вярнуўся» (1959) і «Любовь, Надежда, Вера» (1960) П. Васілеўскага, «Апошні крок» В. Зуба (1962) і іншыя[1].