У Вікіпедыі ёсць артыкулы пра іншых асоб з прозвішчам Качан.
Аркадзь Дзмітрыевіч Качан (17 студзеня 1941, в. Вірышча, Карэліцкі раён, Гродзенская вобласць — 7 ліпеня 2004) — беларускі спецыяліст у галіне цеплаэнергетыкі. Доктар тэхнічных навук (1992), прафесар (1993).
Скончыў Беларускі політэхнічны інстытут (1962; аспірантура).
Працаваў у Маладзечанскім політэхнічным тэхнікуме (з 1962), Беларускім нацыянальным тэхнічным універсітэце (з 1965, энергетычны факультэт, кафедра «Цеплавыя электрычныя станцыі», прафесар, у 1975—1983 — загадчык кафедры, 1979—1984 — дэкан факультэта).
Навуковыя інтарэсы: аптымізацыя рэжымаў і тэхналагічных працэсаў ЦЭС.