У Вікіпедыі ёсць артыкулы пра іншых асоб з прозвішчам Наркевіч. Аркадзь Іосіфавіч Наркевіч (10 сакавіка 1929, в. Варонаўшчына, Капыльскі раён, Мінская вобласць — 13 кастрычніка 2002) — беларускі мовазнавец, спецыяліст у галіне беларускага мовазнаўства. Доктар філалагічных навук (1974), прафесар (1976).
Скончыў Мінскі дзяржаўны педагагічны інстытут імя А. М. Горкага (1951).
Працаваў у Інстытуце мовазнаўства імя Я. Коласа АН БССР (1955—1965, старшы навуковы супрацоўнік), Беларускім дзяржаўным універсітэце (1965—2002, дацэнт кафедры беларускай мовы філалагічнага факультэта, прафесар кафедры стылістыкі і літаратурнага рэдагавання факультэта журналістыкі, у 1989—1996 — загадчык кафедры).
Навуковыя інтарэсы: марфалогія і сінтаксіс сучаснай беларускай літаратурнай мовы; культура мовы.