Апулія (ад стар.-грэч.: Ἀπουλία; італ.: Puglia [ˈpuʎːa], [пулʲја], неап.: Pùglia, тарант.: Pugghie) — вобласць у Італіі.
Апулія — самы ўсходні рэгіён Італіі: мыс Атранта ля Салента знаходзіцца прыкладна ў 80 км ад берагоў Албаніі — гэта самая ўсходняя кропка краіны.
Рэгіён абмываецца Адрыятычным і Іанічным морамі і мае самую доўгую берагавую лінію сярод кантынентальных рэгіёнаў. Сухапутныя межы рэгіёна праходзяць прыблізна па рэках Фарторэ і Брандана з прытокамі.
Ландшафт — раўнінны на 53,3%, на 45,3% узгорысты і толькі 1,5% займаюць горы, што робіць рэгіён найменш гарыстым у Італіі. Самыя высокія горы — Монці-Даўні, ці, інакш, Субапеніна-Даўна (іт.), з вяршынямі Карнакія (Monte Cornacchia) — 1152 м і Кальва (Monte Calvo) вышынёй 1055 м.