wd wp Пошук:

Антон Маркевіч

У Вікіпедыі ёсць артыкулы пра іншых асоб з прозвішчам Маркевіч. Антон Маркевіч (14 кастрычніка 1925, Гродна — 9 лістапада 2009, Ошава, Канада) — беларускі грамадскі дзеяч у Канадзе.

Біяграфія

Ад 1944 года — на эміграцыі. Дзевяць гадоў (1946—1955) пражыў у Мюнхене, але ўдзелу ў грамадскім жыцці там не браў. У 1955 годзе перабраўся ў Канаду, дзе пачаў актыўна ўдзельнічаць у грамадскім беларускім жыцці. Праз кароткі час быў абраны сакратаром Задзіночання беларусаў Канады. У 1958 годзе быў абраны старшынёй Галоўнай управы ЗБК.

Разам з Кастусём Акулам ён заснаваў выдавецка-мастацкі клуб «Пагоня». Сярод іншага, сябры клуба рабілі значкі з «Пагоняй» і пярсцёнкі. Залатымі і сярэбранымі значкамі ганаравалі вядомых беларусаў за ўнёсак у грамадскую і культурную працу.

Быў карэспандэнтам амерыканскай газеты «Беларус». Пісаў пра жыццё канадскіх беларусаў пад імем Хвядос Прылепскі, ці крыпта-псеўданімам А—віч.

У 1965 годзе, жывучы ў горадзе Ошаве дабіўся, каб бел-чырвона-белы сцяг уздымаўся штогод 25 сакавіка перад гарадской ратушай побач з канадскім. У 1970-м разам з Вінцэнтам і Раісай Жук-Грышкевічамі дамовіліся з мэрыяй Таронта, каб сцяг уздымаўся на ратушнай плошчы кожныя 25 сакавіка.

Як прадстаўнік беларускай грамады быў запрошаны на ўрачысты абед у мэрыі ў гонар брытанскай каралевы Элізабет падчас яе адведзінаў Таронта.

Арганізаваў штонядзельныя паўгадзінныя радыёперадачы на беларускай мове на радыёстанцыі ў горадзе Оквіл.

Спасылкі

Тэмы гэтай старонкі (12):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нарадзіліся ў 1925 годзе
Катэгорыя·Асобы
Катэгорыя·Памерлі 9 лістапада
Катэгорыя·Беларусы ў Канадзе
Катэгорыя·Памерлі ў 2009 годзе
Катэгорыя·Артыкулы пра асоб без партрэтаў
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Памерлі ў Антарыа
Катэгорыя·Нарадзіліся 14 кастрычніка
Катэгорыя·Члены Згуртавання беларусаў Канады
Катэгорыя·Нарадзіліся ў Гродне