wd wp Пошук: ⬜

Антарктычнае паветра

Антарктычнае паветра, антарктычныя паветраныя масы — палярныя паветраныя масы, якія фарміруюцца над Антарктыдай, водамі, што яе акружаюць, і льдамі акіяна.

Падзяляецца на:

• кантынентальнае антарктычнае паветра, якое доўга знаходзіцца над халодным мацерыком і набывае самыя нізкія на Зямлі тэмпературы, высокую празрыстасць і сухасць, характэрныя для антарктычнага антыцыклону, і
• марское, што ўзнікае над акіянам, менш халоднае і нясе больш вільгаці.

Уплывае на клімат паўднёвых частак Аўстраліі, Паўднёвай Амерыкі і Сусветнага акіяна.

Гл.таксама

• Антарктычны клімат

Літаратура

• Беларуская энцыклапедыя: У 18 т. Т.16: Трыпалі - Хвіліна / Рэдкал.: Г.П.Пашкоў і інш. - Мн.: БелЭн, 2003. - 576 с.: іл.
• Геаграфія ў тэрмінах і паняццях: Энцыклапедычны даведнік / Беларус. Энцыкл.; Рэдкал.: Г.П.Пашкоў і інш. - Мн.: БелЭн, 2003. - 352 с.: іл. - ISBN 985-11-0262-8.

Тэмы гэтай старонкі (1):
Катэгорыя·Антарктыда