wd wp Пошук: ⬜

Андрэ Сітраен

Андрэ Густаў Сітраен, фр.: André Citroën (5 лютага 1878 — 3 ліпеня 1935) — французскі прамысловец, стваральнік канцэрна «Сітраен» і аднайменнага аўтамабіля.

Андрэ Густаў Сітраен нарадзіўся ў Парыжы. Ён быў пятым дзіцем у сям’і нідэрландскага бізнесмена яўрэйскага паходжання — гандляра дыяментамі і іншымі каштоўнымі камянямі — Леві Сітруна (нідэрл. Levie Citroen). Андрэ Сітраену не споўнілася і шасці гадоў, яго бацька канчае жыццё самагубствам і пакідае сям’і велізарную спадчыну. Толькі адзін пай Леві Сітруна ў заакіянскім прадпрыемстве складаў — 1 млн франкаў, грошы велізарныя. Але нягледзячы на пашыраныя сувязі ў фінансавых колах гандляроў дыяментамі, Андрэ Густаў Сітраен аддае перавагу не прытрымлівацца па слядах бацькі. Андрэ плануе паступаць у політэхнічную школу, каб затым стаць інжынерам. Завяршыўшы навучанне, Сітраен адпраўляецца на вайсковую службу.

Быў членам масонскай ложы «Lodge La Philosophie Positive» у Парыжы.

Спасылкі

На Вікісховішчы ёсць медыяфайлы па тэме Андрэ Сітраен