У Вікіпедыі ёсць артыкулы пра іншых асоб з прозвішчам Гарнерэн.
Андрэ-Жак Гарнерэн (фр.: Andre-Jacques Garnerin; 31 студзеня 1769 — 18 жніўня 1823) — вядомы французскі паветраплавальнік і першы ў свеце парашутыст.
22 кастрычніка 1797 года А. Ж. Гарнерэн здзейсніў першы ў гісторыі чалавека скачок з парашутам з паветранага шара, саскочыўшы з вышыні каля 1 км над адным з паркаў Парыжа. У 1793 годзе, пасля таго як ён стаў тэхнічным інспектарам французскай арміі, Андрэ Жак стаў актыўна займацца магчымасцямі тэхнічнай рэалізацыі выкарыстання паветраных шароў ў ваенных мэтах.