Андрус Веэрпалу (эст. Andrus Veerpalu, нар.8 лютага 1971, Пярну, Эстонская ССР) — эстонскі лыжнік, двухразовы алімпійскі чэмпіён на дыстанцыі 15 км класічным стылем і двухразовы чэмпіён свету (30 і 15 км класічным стылем) . Спецыялізаваўся на доўгіх дыстанцыях класічным стылем.
Пяць разоў прызнаваўся лепшым спартсменам года ў Эстоніі (1999, 2001, 2002, 2006, 2009). Удзельнік шасці запар зімовых Алімпіяд (1992, 1994, 1998, 2002, 2006 і 2010). За кар’еру выйграў 6 этапаў Кубка свету. У 2005 годзе быў узнагароджаны прэстыжным Хольменкаленскім медалём.
Валодае эстонскай, фінскай і рускай мовамі. Рост — 182 см, вага — 73 кг. Трэнер — Маці Алавер.
Пасля перамог на Алімпіядах быў узнагароджаны ордэнам Эстонскага Чырвонага Крыжа 1-й ступені (2002) і ордэнам Белай зоркі 1-й ступені (2006). Пасля допінгавага скандалу пазбаўлены узнагарод рашэннем прэзідэнта Эстоніі 15 красавіка 2021 года.