Анатоль Аляксеевіч Грычэнка (17 мая 1937, г. Анапа, Краснадарскі край, Расія) — беларускі спецыяліст у галіне працэсаў і апаратаў хімічнай тэхналогіі. Доктар тэхнічных навук (1982), прафесар (1982).
Скончыў Харкаўскі авіяцыйны інстытут (спецыяльнасць «Рухавікі лятальных апаратаў», 1962).
Працаваў у ваенным прадпрыемстве Камітэта авіяцыйнай тэхнікі пры Савеце Міністраў СССР (1962—1966, інжынер), Канструктарскім бюро хімаўтаматыкі (Варонеж; 1966—1970, інжынер-канструктар), Варонежскі інжынерна-будаўнічы інстытут (1970—1973, дацэнт кафедры гідраўлікі, водазабеспячэння і каналізацыі, кафедры цеплатэхнікі), Наваполацкім політэхнічным інстытуце (1973—1985, з 1974 — загадчык кафедры тэхнікі і тэхналогіі нафты і газу), Усесаюзным навукова-даследчым і праекта-канструктарскім інстытуце мікрабіялагічных вытворчасцей (Мінск; з 1985, намеснік дырэктара па навуковай рабоце), Магілёўскім тэхналагічным інстытуце (1986—1994, у лістападе 1986 — маі 1992 — рэктар, з 1992 — загадчык кафедры машын і апаратаў харчовых вытворчасцей).