У Вікіпедыі ёсць артыкулы пра іншых асоб з прозвішчам Яроцкі.
Анатоль Іванавіч Яроцкі (10 ліпеня 1915, в. Вакарына, Казанскі раён, Цюменская вобласць, Расія — 1 верасня 2008) — беларускі ўрач-фізіёлаг. Доктар медыцынскіх навук (1952), кандыдат біялагічных навук (1949), прафесар (1956). Удзельнік савецка-фінскай і Вялікай Айчыннай войн.
Скончыў Дзяржаўны інстытут фізічнай культуры імя П. Ф. Лесгафта (1937), Першы Ленінградскі медыцынскі інстытут імя І. П. Паўлава (1942).
Працаваў у Гродзенскім дзяржаўным універсітэце імя Я. Купалы (1981—2005, факультэт фізічнай культуры, кафедра фізічнага выхавання і спорту, прафесар, у 1983—1994 — загадчык кафедры).
Навуковыя інтарэсы: праблема вестыбула-прапрыацэптыўнай аферэнтацыі; жыццезахаванне.