Анаксімен з Мілета (ст.-грэч. Άναξιμένης; каля 588 да н.э. — каля 525 да н.э) — старажытнагрэчаскі філосаф.
Вучань Анаксімандра. Першаасновай усяго лічыў паветра: рэчы ўзнікаюць дзякуючы розным ступеням згушчэння паветра (утварэнне вады, зямлі, каменя і інш.) або яго разрэджання (утварэнне агню). Паводле Анаксімена душа — гэта паветра, якое «атрымлівае» цела (працэс дыхання зберагае жыццё).
Вызначыў розніцу паміж нерухомымі зоркамі і планетамі. Даў блізкае да навуковага тлумачэнне зацменняў Сонца і Месяца.