Алілуя (іўр.: הַלְלוּיָה] הללויה], у транскрыпцыі халелу-Йа’х; у лац. транслітарацыі alleluia, літаральна «Хваліце Госпада») — адна з урачыстых і свяшчэнных песень хрысціянскага богаслужэння, якая ўжываецца асобна і як прыпеў да іншых песнапенняў. У шырокі ўжытак яна ўвайшла яшчэ ў 1 ст. у так званыя апостальскія часы і пры спяванні ў гонар св. Тройцы звычайна паўтаралася тройчы. Алілуя выконвалася ў хрысціянскіх цэрквах і як самастойная песня.