У Вікіпедыі ёсць артыкулы пра іншых асоб з прозвішчам Санько. Аляксандр Фёдаравіч Санько (нар. 2 лютага 1950, в. Маяк, Слуцкі раён, Мінская вобласць) — беларускі геолаг, геамарфолаг. Доктар геолага-мінералагічных навук (2001), кандыдат геаграфічных навук (1982), дацэнт (2009), прафесар.
Скончыў Беларускі дзяржаўны ўніверсітэт (спецыяльнасць «Геаграфія», 1972), Інстытут геахіміі і геафізікі АН БССР (аспірантура, 1975).
Працаваў у Інстытуце геахіміі і геафізікі НАН Беларусі, Беларускім дзяржаўным педагагічным універсітэце імя М. Танка (2006—2012), Беларускім дзяржаўным універсітэце (з 2012, геаграфічны факультэт, кафедра інжынернай геалогіі і геафізікі, прафесар, з 2014 — загадчык кафедры).
Навуковыя інтарэсы: чацвярцічная геалогія; геамарфалогія; прэснаводная і наземная малакафаўна чацвярцічнага перыяду.