У Вікіпедыі ёсць артыкулы пра іншых асоб з прозвішчам Пякарскі. Аляксандр Антонавіч Пякарскі (30 мая 1952, в. Буда, Дзяржынскі раён, Мінская вобласць, БССР) — беларускі матэматык. Доктар фізіка-матэматычных навук (1991), прафесар (1993).
Закончыў БДУ (1975). З 1982 года працаваў у Гродзенскім дзяржаўным універсітэце, з 2000 года працуе ў Беларускім тэхналагічным універсітэце. Навуковыя працы па тэорыі функцыі рэчаіснай і комплекснай зменных. Даказаў прамыя і адваротныя тэарэмы рацыянальнай апраксімацыі ў класічных функцыянальных прасторах.