Альгамбра (ісп.: Alhambra, ад араб. قصر الحمراء Каср аль-Хамра — «чырвоны замак») — архітэктурна-паркавы ансамбль, размешчаны на пагорыстай тэрасе ва ўсходняй частцы горада Гранада ў паўднёвай Іспаніі. Асноўнае развіццё атрымаў у часы праўлення мусульманскай дынастыі Насрыдаў (1230—1492), пры якіх Гранада стала сталіцай мусульманскіх уладанняў на Іберыйскім паўвостраве (Гранадскі эмірат), а Альгамбра іх урадавай рэзідэнцыяй (палацы адносяцца пераважна да 14 стагоддзя). У склад шырокага комплексу, заключанага ў крэпасныя сцены з вежамі, уваходзілі таксама мячэці, жылыя дамы, лазні, сады, склады, могілках. У цяперашні час з’яўляецца музеем ісламскай архітэктуры.