У Вікіпедыі ёсць артыкулы пра іншых асоб з прозвішчам Жукава.
Алена Ціхаўна Жукава (22 снежня 1935, Віцебск) — беларускі вучоны-педагог у галіне тэхнічнай графікі. Кандыдат педагагічных навук (1980), прафесар (1993).
Скончыла Віцебскае мастацка-графічнае педагагічнае вучылішча (1954), Віцебскі педагагічны інстытут (1963), дзе працуе з 1965 г. (з 1991 прафесар кафедры Віцебскага дзяржаўнага ўніверсітэта).
Распрацавала тэарэтычныя і метадычныя пытанні ўдасканалення графічнай падрыхтоўкі школьнікаў і студэнтаў ВНУ. Аўтар вучэбных дапаможнікаў для школ, тэхнікумаў, ВНУ. Выдатнік народнай адукацьіі Беларусі. Узнагароджана Ганаровай граматай Прэзідыума Вярхоўнага Савета Рэспублікі Беларусь.