wd wp Пошук: ⬜

Акт аб капітуляцыі Японіі

Капітуляцыя Японскай імперыі (яп.: 日本の降伏) адзначыла сабой завяршэнне Другой сусветнай вайны, у прыватнасці вайны на Ціхім акіяне і савецка-японскай вайны.

10 жніўня 1945 Японія афіцыйна заявіла пра гатовасць прыняць Патсдамскія ўмовы капітуляцыі з абмоўкай адносна захавання структуры імператарскай улады ў краіне. 11 жніўня ЗША адпрэчылі японскую папраўку, настойваючы на формуле Патсдамскай канферэнцыі; у выніку 14 жніўня Японія афіцыйна прыняла ўмовы капітуляцыі і паведаміла пра гэта саюзнікам.

Фармальная капітуляцыя падпісана 2 верасня 1945 года ў 9:02 па такійскім часе на борце амерыканскага лінкора «Місуры» ў Такійскім заліве.

Асобы, якія падпісалі акт

Японская імперыя — Сігэміцу Мамору, міністр замежных спраў Японская імперыя — Умэдзу Ёсідзіра, начальнік генеральнага штаба
— Вярхоўны галоўнакамандуючы саюзнымі арміямі, генерал арміі ЗША Дуглас Мак-Артур
ЗША — адмірал флоту Чэстэр Німіц
Кітайская Рэспубліка — генерал першага класа Сюй Юнчан
Вялікабрытанія — адмірал Брус Фрэзер
СССР — генерал-лейтэнант Кузьма Дзеравянка
Аўстралія — генерал Томас Блэмі
Канада — палкоўнік Лорэнс Косгрэйв
Змагарная Францыя — генерал Жан Філіп Леклерк
Нідэрланды — лейтэнант-адмірал Эміл Хелфрых
Новая Зеландыя — віцэ-маршал авіяцыі Леанард Ізіт

	Саюзнікі. Генерал Макартур чытае прамову. Ззаду, злева направа — Фрэзер, Дзеравянка, Блэмі, Косгрэйв, Леклерк, Хелфрых, Ізіт.
	Прадстаўнікі Японскай імперыі. Наперадзе — Сігэміцу і Умэдзу. У другім раду, злева направа — генерал-маёр Нагай Яцудзі, начальнік даследчага аддзела МЗС Акадзакі Кацуа, контр-адмірал Таміёка Тадатосі, сакратар МЗС Касэ Тасікадзу, генерал-лейтэнант Міякадзі Суіці. У трэцім раду, злева направа, стаяць контр-адмірал Ёкаяма Іціра, супрацоўнік МЗС Ота Сабура, контр-адмірал Сіба Кацуа і палкоўнік Сугіта Ітыдзі.